Openbare ruimte 2434

Barry Vosloo

Op 19 Oktober 2011 het The Courier – Die Koerier ‘n berig geplaas oor raadslid Thiart se pogings om ‘n ou-ou problem in Planestraat weer eens onder die aandag van die Kouga-munisipaliteit te bring en aan te dring dat iets aan die saak gedoen word. Klik hier om die volledige berig te lees.

Die eienaars van die eiendomme aan weerskante van die parkeerplek waarvandaan ‘n mens die Noorkapper-walvisse kan dophou en wat bekend staan as Openbare Ruimte 2434, is raadop. Hulle is al jare lank bekommerd oor die skadelike uitwerking van die parkeerplek op die duin en die duineplantegroei. Die Kouga-munisipaliteit het egter tot dusver weinig ag op hulle pleidooie geslaan ten spyte van die feit dat die eienaars bereid is om self die koste van die herstelwerk te dra.

The Courier – Die Koerier wonder of die probleem al opgelos is? Indien nie, waarom nie?