DA Kouga on facebook

The Democratic Alliance Kouga is on facebook. Click here to access.

ANC propose quota system for Mighty Men conferences

Gerhard Nel

News24, 3 November 2011

In a new initiative to advance racial integration in South Africa, the ANC government has proposed a bill to Parliament which states that all Angus Buchan's Mighty Men conferences must be representative of the population of South Africa.

The proposal includes legislation that will force the sellers of these tickets to first sell 70% of all tickets to native Africans, before any tickets may be sold to whites / settlers.

Mrs Beauty Kumalo, Chairperson of Africans for Jesus, has commended the initiative by the ANC government. "Too long real South Africans (blacks) have been excluded from having the same privileges as the whites in serving our Lord Jesus Christ from Nazareth (now relocated to heaven). Apartheid has given the white man better churches, Bibles and theologians which gives them an unfair advantage of reaching heaven. We require equal rights for all Christians. We are tired of the racist white man trying to keep us out of heaven."

Opinions in the white Christian community however are divided on the issue.

Jan Wit, Christian Missionary expert, has called a prayer meeting against what he calls an "atrocious racist ANC policy." He further states that the Mighty Men conferences have always been opened for all races and that the black community has always been welcome to attend such a gathering.

Pieter Bester, a devoted Angus Buchan fan, feels differently. "The ANC shouldn't force these things on whites. We have already lost rugby and cricket.

They already force us to watch soccer on SABC and now they want to steal Jesus also. Why are they so afraid of whites gathering in the thousands for a common cause? It is not like we are talking revolution among ourselves at these gatherings. Not most of the time anyway."

[Submitted on 26 January 2012 by André Joubert ]

Benut die tegnologie

Hierdie blog en ‘n ander een wat Barry Vosloo die lig laat sien het, is twee van die belangrikste ontwikkelings van die plaaslike DA in ‘n lang tyd.  Hiermee is die pas aangegee om die tegnologie te benut om met kiesers te kommunikeer.  Weliswaar nog nie op groot skaal nie, maar dis in wording.

‘n Ander voordeel van die blog is dat dit die geleentheid tot openbare debat skep.  Die moderne politiek leen hom daartoe.  Dit bied gedagtewisseling.  Dis gesond.  Dit bied wedersydse kontak tussen die kiesers en politici.  Dis ontwikkeling.

‘n Blog van hierdie aard is niks anders nie as ‘n mini-koerant.  Laat hom toe om sy beslag te kry.  Politici, veral, behoort nie oorsensitief daaroor te wees nie.  Dit behoort ook nie ‘n beeldpoetser te wees nie.

Vosloo het vroeër geskryf:  “Ek het pas ná die verkiesing via my raadslid aangebied om DAtanet (http://www.da-jbayregion.blogspot.com/) te heraktiveer en te omskep in 'n DA-inligtingsbron vir die hele Kouga. Hulle bly my tot vandag toe nog ‘n antwoord skuldig.”

Dis jammer.  Dit was ‘n blink plan.  Dit sou die plaaslike DA aan die voorpunt geplaas het om hierdie tegnologiese instrument te benut.  Daar is reeds derduisende sulke mini-koerante.  Hul besoekerstal groei daagliks soos meer mense met die rekenaar vertroud raak.

Dit sal die plaaslike DA (en ander) loon om saam met hierdie neiging te stap.  Dit het gekom om te bly en groter te word.

‘n Stap vorentoe sal wees om Vosloo se voorstel met erns te oorweeg.  Bestuur dit; gun die redakteur sy standpunte; gun die kiesers die geleentheid om openhartig te wees.  Politici het ook ‘n verantwoordelikheid om daarop te antwoord.  Dit sal vertroue wen – in teenstelling met die huidige indruk van geheimhouding of weerhouding oor hul werksaamhede. – Japie Bosch

Kouga DA wil The Courier - Die Koerier die swye oplê

Barry Vosloo

Volgens die Jeffreysbaaise bostelegraaf wend die Kouga DA desperate pogings aan om The Courier – Die Koerier die swye op te lê – vermoedelik omdat ‘n berig onlangs geplaas is wat kritiek uitspreek op hulle oënskynlike traagheid om doeltreffend met hulle kiesers te kommunikeer.

Hierdie pogings weerspieël 'n verstokte mentaliteit wat lynreg bots met die Demokratiese Alliansie se politieke beginsels. Daarin verkondig hulle dat “ons visie berus op die oortuiging dat … die regte wat in die grondwet verskans is, verdedig en bevorder moet word … “. Die grondwet verleen aan elke Suid-Afrikaner “the right to freedom of expression … ”

Ek het reeds uit protes as voorsitter van die Kouga DA Wyk 3-tak en as sekretaris van die Wyk 3-wykskomitee bedank. Ek bly egter ‘n DA-lid omdat ek my heelhartig met die DA se politieke ideale vereenselwig. 

Verskoning

Japie Bosch

Ek verwys na die berig “Verklaring deur die Kouga DA oor nuwe salarisskale." 

Die DA meld onder meer: “Die Koerier, het waarskynlik a.g.v ‘n misverstand die vervoertoelae verdubbel, daarom is ‘n bedrag van R20 101 foutiewelik gepubliseer”.

Dit was nie ‘n misverstand nie.  Ek het die berig geskryf en het ‘n paragraaf in die Staatskoerant nie reg vertolk nie.  Gevolglik vra ek verskoning vir die fout en enige ongerief veroorsaak. 

[As Japie Bosch die berig nie geskryf het nie, sou plaaslike belastingbetalers dalk nou nog salig onbewus gewees het van die feit dat ons plaaslike verkose verteenwoordigers salarisverhogings aan hulleself toegestaan het - ten spyte van die munisipaliteit se benarde finansiële omstandighede - The Courier - Die Koerier.]   

Verklaring deur die Kouga DA oor nuwe salarisskale

Daar word verwys na berigte wat verskyn het in “Our Times” van 6 Januarie 2012, asook in Die Koerier, amptelike “blog” van Wyk 3, Jeffreysbaai.

 

1.  Dit is korrek dat die bo-perke van raadslidtoelaes in die Staatskoerant van 14 Desember 2011 vasgestel is.

2.  Dit is ook korrek dat die Staat ‘n beperkte salarisverhoging van slegs ietwat minder as 5% in die betrokke Staatskoerant aanbevel het

3.  Die vasgesteldebo-perk vir KOUGA (Graad 3) raadslede is soos volg:

	Basiese toelae	Vervoer- toelae	Selfoon- toelae	Totale pakket
Burgemeester	R458 921 per jaar	R152 973 per jaar	R37 752 per jaar	R649 646 per jaar
Speaker	R367 137 per jaar	R122 379 per jaar	R18 840 per jaar	R508 356 per jaar
Lid van die burgemeesterskomitee	R344 191 per jaar	R114 730 per jaar	R18 840 per jaar	R477 761 per jaar
Gewone raadslid	R137 677 per jaar	R45 892 per jaar	R11 748 per jaar	R195 317 per jaar

4.  Daar dien gelet word op die feit dat die ANC in Kouga Raad, met hul geringe 15 – 14 meerderheid  Raadslede, die Westminster-tegniek van “winner takes all” toegepas het en al die hoër besoldigende poste vir hulself toegeëin het Maw. al die DA Raadslede in die Raad word as deeltydse Raadlede beskou en  verdien slegs die vierde vermelde salariskategorie naamlik die van ‘n gewone raadslid.

5.  ‘n Gewone Raadslid in KOUGA munisipaliteit se brutovergoeding is dus R16 276 per maand, voor enige aftrekkings soos persoonlikebelasting. So byvoorbeeld word ‘n bedrag gelykstaande aan ongeveer 25% maandeliks afgetrek vir persoonlike inkomstebelasting. Daar is uiteraard verskeie ander maandelikse aftrekkings.

6.  Die vergoeding wat verskyn het in “Our Times” sowel as op die “blog”: Die Koerier, het waarskynlik a.g.v ‘n misverstand die vervoertoelae verdubbel, daarom is ‘n bedrag van R20 101 foutiewelik gepubliseer.

7.   Daar is geen rede vir die DA om enigsins geheimsinig te wees oor vergoedingspakkette nie, dit is immers publieke kennis en wys ons graag daarop dat die vergoeding met 5% verhoog was tydens die raadsvergadering van 20 Desember 2011.

KOMMENTAAR

Dié storie begin nou baard kry. Hoe dit ookal sy, uiteindelik weet almal wat die ware feite omtrent die vergoeding van raadslede is.

Waarom die Kouga DA hulle ondersteuners nie vroeg-vroeg al in hulle vertroue geneem en besonderhede in verband met die nuwe salarisskale bekend gemaak het nie, weet nugter. Dan was daar mos minder "misverstande" en smalende reaksies soos raadslid Rheeder s’n. Klik hier om toegang tot die berig te verkry. Terloops, die agbare raadslid verwys in sy e-pos na “tydelike raadslede” terwyl hy eintlik “deeltydse raadslede” bedoel.

'n Lekker stuk geveinsdheid het hom ook in die raadsaal afgespeel. Die DA val die Kouga-munisipaliteit gereeld oor wanbesteding en swak finansiële bestuur en bankrotskap en ander sondes aan, maar toe die geleentheid hom voordoen om sterk standpunt in te neem, sit hulle ewe gedwee by die trog aan! Ek het op goeie gesag verneem dat die DA nie die resolusie oor die nuwe salarisskale opponeer het nie.

Die Kouga DA se arrogansie het my asem weggeslaan. Vgl. hulle pogings om The Courier – Die Koerier die mond te snoer deur te eis dat berigte waarvan hulle nie hou nie, verwyder word. Klik hier om toegang tot die berig te verkry.

Ewe verwaand is hulle beskouing dat dit van minder belang is om goeie kommunikasie met hulle kiesers te bewerkstellig. Benewens 'n hoogdrawende persverklaring dan en wan, geen verslagvergaderings nie, en 'n enkele nuusbrief wat laat in September uitgereik is, het hulle (die kiesers) sedert die munisipale verkiesing in Mei 2011 bitter min terugvoering ontvang oor die doen en late van hulle verkose openbare verteenwoordigers. Twee wyke bedryf darem elk 'n blog wat deur 'n handjievol kiesers gelees word. Verder? Niks.

Ek het pas ná die verkiesing via my raadslid aangebied om DAtanet (kyk http://www.da-jbayregion.blogspot.com/) te heraktiveer en te omskep in 'n DA-inligtingsbron vir die hele Kouga. Hulle bly my tot vandag toe nog ‘n antwoord skuldig. Dis ironies dat die meeste rekenaargeletterde Kouga DA-raadslede op The Courier – Die Koerier ingeteken het - Elza van Lingen inkluis – al omskryf hy sy funksie as ‘n spreekbuis vir Kouga DA Wyk 3!

Vra enige Kouga DA-kieser hierna en jy sal hoor: "Hulle ken ons net as daar 'n verkiesing is." 

Kouga DA-kiesers is geregtig om dikwels ingelig te word wat hul openbare verteenwoordigers se standpunt oor munisipale vraagstukke is. Die DA weet beter as enigiemand anders wat op die munisipaliteit se lys van skades en skandes is en behoort hulle ondersteuners gereeld op die hoogte daarvan te hou. As dit nuuswaardig is, sal die plaaslike koerante mos berigte daaroor plaas, of hoe? Terloops, is een of meer DA-raadslede spesifiek getaak om openbare skakelwerk te hanteer? Indien nie, waarom op dees aarde nie?

Gewone DA-ondersteuners wil graag hê dat hulle verkose verteenwoordigers oor hierdie sake die hand in eie boesem steek en die haakplekke regstel – vóórdat die volgende verkiesing aanbreek. Dis nie goed genoeg om ander vir jou tekortkominge te verkwalik nie.

                                                                                                        - Barry Vosloo

Raadslid Rheeder skryf aan ons

Die Koerier,

Ek dink u moet weer na u berekeninge gaan ky en dit vergelyk met die staatskoerant wat duidelik die vergoeding van tydelike raadslede baie duidelik uitspel vir 'n graad 3 munisipaliteit.

Ben Rheeder

[Diegene wat daarin belang stel om hulle berekeninge self te doen, kan hier klik om toegang tot die betrokke staaskoerant te verkry - The Courier - Die Koerier]

‘n Knuppel in die hoenderhok

Barry Vosloo

The Courier – Die Koerier het onlangs ‘n opskudding veroorsaak toe ‘n berig daarin verskyn het in verband met salarisverhogings wat vir die burgemeester, onder-burgemeester, speaker, burgemeesterskomiteelede en ander raadslede beoog word. Klik hier om toegang tot die berig te verkry.

Eers het ‘n DA-raadslid geëis dat die berig verwyder word omdat dit kwansuis onakkurate inligting sou bevat. The Courier – Die Koerier beskou dié versoek as ‘n aantasting van sy reg tot vryheid van spraak wat deur die Suid-Afrikaanse Grondwet gewaarborg word en het geweier om daaraan te voldoen.

Vervolgens het Piet Liebenberg van Our Times die storie opgetel en ongemaklike vrae begin vra. Hy skryf op 6 Januarie onder andere: “Secrecy surrounds the new rate of remuneration Kouga councillors adopted for themselves [my kursivering] at the last council meeting in December.”

Volgens Our Times het die munisipale woordvoerder bevestig dat nuwe salarisskale deur die Raad goedgekeur is. Hy kon of wou egter nie inligting daaroor verskaf nie. Raadslede Nico Botha en Henda Thiart het darem te kenne gegee dat hulle slegs R16   276 per maand verdien en nie R20 101 soos The Courier – Die Koerier berig het nie.

Nog is het einde niet. Nóg ‘n DA-raadslid het later probeer om met die skrywer van hierdie berig oor The Courier – Die Koerier se rol in die sage in gesprek te tree.

Die vraag ontstaan nou waarom ons verkose verteenwoordigers ‘n sluier van geheimhouding wil trek oor hoveel belastingbetalers hulle betaal.

Ten slotte: die besonderhede oor die nuwe salarisskale het op 14 Desember in die Staatskoerant verskyn. Die inligting is dus openbare kennis.  Dit is juis die doel van die Staatskoerant: om amptelike besluite bekend te maak. Klik hier om toegang tot die betrokke uitgawe van die Staatskoerant te verkry.