Hoe praat die DA nou so uit twee monde?

Japie Bosch

Volgens die Kouga Express van 16 Februarie 2012 “eis” mnr Leon de Villiers, DA-koukusleier van die Nelson Mandelabaai-metropool, dat die Kouga-munisipaliteit sy bates moet verkoop om sy uitstaande waterskuld van R32 miljoen aan die metropool te betaal.

Dit kan net een ding beteken:  verkoop julle eiendom.  Soos die gholfbaan?

Dis lynreg in botsing met wat Kouga se DA verkondig.  Toe Kouga se ANC-regeerders in ‘n stadium sulke praatjies gepraat het, het die plaaslike DA bollemakiesie geslaan oor sulke dom planne.  Sy standpunt was iets soos “‘n mens nie jou huis verkoop om jou skuld te betaal nie”.

Nou praat die DA van die een plek teen die DA van ‘n ander plek.

Dis ‘n saak vir Elza van Lingen.