Hoofartikel
Die Burger, 11 April 2012
Hoe anders is die Suid-Afrika wat op die randjie van ’n rasse-oorlog was toe Chris Hani op 10 April 1993 deur twee regses vermoor is, nie in vergelyking met vandag se ANC nie.
Mnr. Nelson Mandela het destyds die kruitvat ontlont met sy versoenende boodskap.
Vandag is die ANC ’n skaduwee van wat hy destyds was. Van die morele leierskap van ’n Mandela is min teken.
Trouens, Hani – wat nou deur die ANC verheerlik word – sou bes moontlik sy kop in skaamte laat sak het vir die optrede van heelparty ANC-leiers in hoë posisies.
No comments:
Post a Comment